Vertiv™ Aisle Containment System – müxtəlif ölçülü məlumat mərkəzlərində hava axınlarının düzgün idarə olunması və soyutma səmərəliliyinin artırılması üçün hazırlanmış, server rack-lərindən asılı olmayan müstəqil koridor izolyasiya sistemidir. Colocation və korporativ məlumat mərkəzlərindən tutmuş Hyperscale və Edge infrastrukturlarına qədər müxtəlif tətbiq sahələrində istifadə oluna bilər.
Tam konfiqurasiya edilə bilən konstruksiyası standartlaşdırılmış komponentlər əsasında hazırlanıb. Bu yanaşma sifariş, montaj və quraşdırma proseslərini sadələşdirir, həmçinin sistemi server rack-lər quraşdırılmamışdan əvvəl istifadəyə hazırlamağa imkan verir.
Sistem həm isti koridorun (Hot Aisle Containment), həm də soyuq koridorun (Cold Aisle Containment) izolyasiyasını dəstəkləyir və həm qaldırılmış döşəmə (Raised Floor), həm də beton döşəmə (Slab Floor) üzərində yerləşən məlumat mərkəzlərində tətbiq oluna bilir. İsti və soyuq hava axınlarının qarışmasının qarşısını alaraq İT avadanlıqları boyunca sabit və bərabər temperaturun qorunmasına şərait yaradır. Nəticədə soyutma sistemlərinin enerji səmərəliliyi yüksəlir və məlumat mərkəzinin ümumi istilik idarəetməsi optimallaşdırılır.
